WADAU WA MICHEZO MKOANI NJOMBE WAOMBWA KUICHANGIA TIMU YA MPIRA WA MIGUU YA WANAWAKE MAPINDUZI QUEENS FC

Na.Erasto Mgeni,Njombe.

Wadau wa Mpira wa Miguu Mkoani Njombe Wameombwa kuichangia Timu ya Mpira wa Miguu ya wanawake inayofahamika kwa Jina la Mapinduzi Queens,michango itakayo wasaidia Wachezaji wa Timu hiyo inayoshiriki Ligi Kuu ya Soko la Wanawake Tanzania.

Wito Huo Umetolewa na Mwenyekiti wa Jumuiya ya wanawake wa Chama cha Mapinduzi Mkoa wa Njombe Bi Rosemary Lwiva ambapo amewaomba Viongozi na wanachama wa Chama Cha Mapinduzi na Vyama Vingine vya Siasa Pamoja na Wadau wote wa  Maendeleo Sekta ya Michezo  Tanzania Kujitokeza Kwa Wingi Kuunga mkono Mafanikio ya Timu Hiyo ambayo Msimu Uliopita ilifanya Vizuri Katika Soka.

 “Ndugu viongozi na wanachama wa CCM  na  vyama vyote wa mkoa wa Njombe tulikuwa na team ya mpira wa miguu ambayo ilikuwa ligi kuu  na sasa iko daraja la kwanza naamini kwa umoja wetu itarudi tena ligi kuu maana inapeperusha bendera ya mkoa wa Njombe” Amesema Bi Lwiva na Kuongeza “sasa mkoa wetu umebahatika kuwa na timu ya wanawake inayotoka ludewa inaitwa Mapinduzi Queens ambayo tarehe  moja mwezi wa Tisa inaenda Tanga kwa ajili soka la wanawake ni ligi kuu hivyo naomba tuwasaidie”

Mwenyekiti Huyo wa UWT Mkoa wa Njombe Amesema kwa sasa Timu hiyo inahitaji msaada wa  nauli,vifaa vya michezo na Chakula.

Hata Hivyo Jukumu la Kukusanya Michango hiyo Kutoka kwa Wadau amepewa Balozi wa Shule za Wazazi mkoa wa Njombe ambaye Pia ni Mmiliki wa Mtandao Huu wa Stambuli Media Bwana Titho Stambuli huku akiwaomba wote watakao wiwa na kuinusuru Timu Hiyo kuwasiliana na Balozi huyo.

“Balozi wetu wa shule za jumuia za wazazi ndugu yetu Tito Stambuli anabeba jukumu hili la kufanikisha hili naomba mawasiliano yote yapitie kwaTito Mtoto mdogo anayefanya mambo makubwa Mungu awabariki sana nyote kwa mwitikio maana kwa pamoja tunaweza”Amesema Bi Lwiva.

Kwa Upande wake Balozi wa Shule za Wazazi mkoa wa Njombe ambaye Pia ni Mmiliki wa Mtandao Huu wa Stambuli Media Bwana Titho Stambuli amesema Utaratibu wa namna Michango hiyo itakavyokusanywa utawekwe Muda Sio Mrefu na Kwa Yeyote ambaye atahitaji Taarifa zaidi awasiliane naye Kwa Namba 0754249545