DC HOMERA KUMALIZA TATIZO LA MAJI KATIKA VIJIJI MBALIMBALI WILAYANI TUNDURU.

Katika kuhakikisha Wananchi wanapata huduma Muhimu kama Maji Safi na Salama, Mkuu wa Wilaya ya Tunduru Juma Homera amewatembelea wananchi wa Vijiji vya Mkanyageni na Mwongozo vyenye jumla ya Wakazi zaidi ya Elfu Kumi  vilivyopo katika Kata ya Mchuluka Wilayani humo wanaokabiliwa na tatizo kubwa la Maji baada ya Visima vilivyokuwa vikitoa huduma ya Maji kupata hitilafu na kuwafanya Wanannchi hao kukosa Maji.

Akiongea na Wananchi hao katika nyakati tofauti wakati alipokwenda kuwajulia hali sambamba na kupeleka Magari ya Maji safi aliyoyatoa kufuatia Ufadhili wa AL-FILDAUS na Wadau wake,DC Homera amewataka wakaazi wa  Vijiji hivyo kuwa wavumilivu katika kipindi hiki cha Mpito kwani Serikali yao ya Wilaya tayari imeshaanza Mchakato wa kuhakikisha Vijiji hivyo na vingine mbalimbali vinapatiwa Maji safi na Salama.Aidha visima vinavyotarajiwa kuchimbwa ni 100 katika vijiji hivyo

Amesema tayari wameshapa Mashine ya kuchimba Visima vya Maji vinavyotarajiwa kuanza uchimbaji wa visima hivi karibuni chini ya ufadhili wa   Taasisi ya Kimarekani na mzawa Bwana Salim Kanyika HELP FOR UNDERSERVED COMMUNITIES (HUC)

Ameongeza kuwa Visima hivyo vitakuwa Mwarobaini tosha wa kutibu na kumaliza tatizo la Maji katika wilaya na Vijiji hivyo vilivyopo umbali wa kilometa Kumi na mbili kutoka katika Mji wa Tunduru.