AFISA MTENDAJI WA KATA YA LUDENDE AONGOZA TEAM YA KAMATI YA UJENZI WA KITUO CHA AFYA KWENYE MIKUTANO YA HADHARA YA KILA KIJIJI KWENYE KATA YAKE.

Ili kuhakikisha Uharakishaji wa Ujenzi wa Kituo cha afya katika kata ya Ludende Wilayani Ludewa Afisa Mtendaji wa Kata ya Ludende Bwana Heyrimus Mtega amekuwa anafanya ziara ya kuiongoza Kamati ya UJENZI WA KITUO CHA AFYA YA KATA Pamoja na Wenyeviti na watendaji wa Vijiji vyote vilivyopo katika Kata ya Ludende.

 

Vijiji vinavyounda kata hiyo ni pamoja na Maholong'wa,Madindo na,Ludende huku  Lengo la ziara hiyo ni kuitambulisha Kamati iliyoundwa na Serikali zote 3 kwenye KAMAKA iliyoketi siku chache zilizopita.

 

Lakini pia Ziara yake ilelenga kupeana  mikakati iliyoafikiwa na Kamati hiyo ikiwemo kutoa Michango ya fedha kila mwananchi wa kata ya Ludende ili ziweze kusaidia shughuli ya Ujenzi wa Jengo la Mama na Mtoto.

 

Siku ya Tare 12/07/2018 Kamati hiyo ilishiriki Mkutano wa Hadhara katika Kijiji cha Ludende na kutoa maazimio hayo kwa Wananchi na wananchi wa Ludende wameipokea vizuri swala la kuendelea kuchangia michango hiyo papo hapo katika Mkutano huo wananchi pamoja na viongozi walianza kutoa michango yao na kupatikana kiasi kisichopungua laki4,.

 

Katika Mkutano huo pia  ambapo Mwenyekiti wa kijiji hicho Bwana Samwel Shagama aliyeongoza zoezi la kukusanya fedha hizo alipokea mchango mwingine wa fedha kutoka kwa Wanafunzi wanaofanya mafunzo ya vitendo katika Katika Zahanati hiyo ya Ludende ambayo sasa imepandishwa hadhi kuwa kituo cha afya,toka chuo cha Uuguzi cha HOSPITAL YA LUGARAWA nao waliunga mkono wananchi hao kwa kutoa fedha kidogo.

 

Lakini pia katika Mkutano huo ulikuwa na agenda nyingine za kusoma mapato na matumuzi.

 

Pia walialikwa wataalam mbalimbali waliopo katika kata hiyo Akiwemo Mkuu wa Shule ya Sekondari ya Ikovo Bwana Faustin Mgimba pamoja na Mratibu elimu wa Kata hiyo Bwana Athanasi Kibena nao wakatumia nafasi hiyo Kuwakumbusha wazazi na walezi kuhakikisha wanatoa ushirikiano mzuri kwa walimu wao ili kuwa jirani na maendeleo ya wanafunzi wao, pamoja na kuwashukuru kwa kambi lililokwisha kupita mwezi Jun,-Agost.

 

Mkutano huo unaendelea tena katika Kijiji cha Madindo ambapo siku ya tarehe13/07/2018 Afisa mtendaji wa kata ataiongoza kamati yake ya Ujenzi Kwani mwanzo wa Mkutano huo ulikuwa ni kijiji cha Maholong'wa siku ya Tarehe11/07/2018.

 

Lengo ni kuhakikisha ujenzi wa jengo la Mama na mtoto unakwenda kwa kipindi miezi 3 na sivinginevyo.