MWKT WA UWT WILAYA YA NJOMBE,AIBUKIA KWENYE MAPOKEZI YA NDEGE AINA YA BOEING 787-8 DREAMLINER ,UWANJA WA NDENGE.

 

Mwenyekiti wa UWT Wilaya ya Njombe Angela Mwangeni

Na stambuli titho 

Leo Tar 8/07/2018

 Mwenyekiti wa UWT wilaya ya Njombe Bi Angela Mwageni,amepongeza na kusifu zoezi la kupokea ndege mpya iiyowasili July 8/2018  katika uwanja wa ndege DSM (Mwalimu Nyerere International Airport).

Rais Magufuli akiangalia sehemu ya rubani

Bi Angela Mwageni amepongeza juhudi za mheshimiwa raisi wa jamhuri ya Muungano wa Tanzania Dkt John Pombe Magufuli kwa juhudi zake za dhati kuhakikisha taifa linapata maendeleo ya kweli.

Mwkt huyo mwenye maskani yake Wilayani Njombe , anayesifika kwa kujitolea na kuwajibika katika majukumu ya kijamii wilayan Njombe mahala popote ambapo amekuwa akipewa nafasi ameonekana kumudu nafasi zote na hivyo kuwa nguzo kubwa katika jamii.

Amewaomba watanzania kumuombea raisi wetu ili azidi kuhakikisha taifa letu linapata maendeleo kwa maslahi ya watanzania na kuliombea taifa letu Aman,Yeye kama kiongozi na raia wa Tanzania  anavutiwa na kasi ya mheshimiwa raisi kwa kuliletea maendeleo taifa .

Mwangeni amewataka watanzania kutambua usafiri wa anga ni mhimu katika taifa letu ilikuweza kutanua wigo wa biashara za kimataifa ,utalii na kukidhi matakwa mengine kufuata huduma za kijamii nje ya nchi ,kupitia yote hayo itasaidia pia kukuza uchumi wa taifa letu.

"ili biashara na viwanda vikue ni lazima miundombinu iwe imara ili watanzania waweze kusafirisha malighafi zao nje ya nchi na kukuza utalii"

Ndege mpya aina ya Boeing 787-8 Dreamliner sasa imewasili Tanzania

Amepongeza pia ujenzi wa reli ya kisasa ambapo italeta ufanisi mkubwa katika sekta ya viwanda na usafiri kwa kuwa ni usafiri ambao utakuwa unatunza muda na kusafirisha malighafi na bidhaa sehemu mbalimbali nchini.

Hivyo yeye binafsi anaguswa na mafanikio hayo na ndio maana ameona afike Airport kuungana na mheshimiwa raisi kupokea ndege hiyo kwa kuwa anatambua umuhimu wake kwa taifa letu.

 

Mwangeni akiwa Katika  moja ya Vikao vya Kimkakati vya Kujenga Jumuiya ya Wanawake UWT.

Aidha amepongeza chama cha mapinduzi kwa kuwa kimekuwa nguzo ya kupata viongozi wenye moyo wa kweli katika kuhakikisha taifa linasonga mbele,amewaomba watanzania kuendelea kuunga mkono wa juhudi za raisi magufuli na CCM kwa kuwa maendeleo yanayofanywa yanaonekana na pia CCM na raisi Magufuli wameonekana kukemea rushwa na ufisadi ili kuweza kuondoa matabaka nchini na kila mmoja kunufaika na keki ya taifa.