MBUNGE DEO NGALAWA AZINDUA ALBAM YA KWAYA KANISA TAG LUDENDE.

 Mbunge wa Jimbo la Ludewa Mkoa wa Njombe Mh:Deo Ngalawa Mapema siku ya Tarehe05/07/2018  Amepokelewa na wananchi wa Kata ya Ludende kijiji cha Ludende alipoalikwa kuwa Mgeni rasmi katika Uzinduzi wa kwaya ya GLORY SINGERS YA KANISA LA TANZANIA ASSEMBLIES OF GOD  T.A.G.

 Albam hiyo inakwenda kwa jiana  NAPENDA Ambayo ni AUDIO Kwasasa wanatarajia kufanya Shooting ya Video ifikapo Septemba mwaka huu na Uzinduzi huo umefanyika katika Uwanja wa Kijiji cha Ludende.

 Mheshimiwa Deo Ngalawa ameichangia Kwaya hiyo fedha Taslimu kiasi cha Zaidi ya Shilingi Milioni moja na nusu Tsh.1500,000/=

Pamoja na kuchangisha fedha nyingine katika mkutano huo wa uzinduzi ambazo mheshimiwa Mbunge aliungwa mkono papo hapo na baadhi ya wananchi walio hudhuria katika uzinduzi huo na kupata jumla ya shilingi laki 5 Hivyo kwaya hiyo ya GRORY Ilijipatia Jumla ya shilingi Milioni2 kwaajili ya Gharama ya Kushuti Video ya Albam yao ambayo imezinduliwa rasmi yenye jina la NAPENDA,

 Mheshimiwa Ngalawa pia akiwa Ludende amefika katika Eneo linalojengwa KITUO CHA AFYA CHA KATA hiyo ambapo ameona jitihada za wananchi wa Ludende zikiwa zinaendelea kwaajili ya Kujenga jengo la MAMA NA MTOTO.

Katika kituo hicho cha afya ameahidi kuendelea kuwaunga mkono ambapo tayari alishapeleka bati 45 za kuanzia na bati ntingine zikiwa bado kuwapelekea kutoka kwenye ofis yake ili ziweze kukidhi mahitaji katika majengo ya kuanzia.

Aidha Mheshimiwa Mbunge Deo Ngalawa alipokuwa katika Kijiji cha Ludende alipata fursa ya kutembelea Taasisi nyingine za kidini ambazo zipo katika shughuli za ujenzi wa Majengo ya kanisa ambapo alitembelea katika Kanisa la ANGLICAN Ludende na kukuta waumini hao wapo katika mchakato wa uwekaji wa Malumalu kwenye jengo la kanisa hilo.

Ngalawa  ameahidi kuwaunga mkono ikiwa ni pamoja na kufanya harambee ili kuweza kufanikisha kazi hiyo, Lakini Pia Mheshimiwa Ngalawa alitembelea  katika Kanisa La WAADVENTISA WASABATO Ludende na kujionea waumini hao wakiwa wamejenga kanisa na kuliezeka bati likiwa linasubiri  hatua 

za kulisakafia.

 Mheshimiwa Ngalawa amewaahidi waumini hao wa kanisa la WAADVENTISTA WASABATO Kuwaunga Mkono kwa kuwapatia smenti mifuko hamsini 50, Mifuko hiyo ya sment amewahakikishia kuwa Mungu akiwajalia uzima atawapatia Wiki chache zijazo ili waendelee kufanyia kazi.

 Mheshimiwa Deo Ngalawa amewaasa viongozi wa dini kuwakumbusha waumini wao kuhakikisha wanakuwa na miradi ya vitega uchumi  kwaajili ya kanisa ikiwa ni pamoja na kuanzisha mashamba ya parachichi.

 Samwel  Shagama ni Mwenyekiti wa CCM kata ya Ludende amewataka wananchi wote kuunga mkono jitihada zinazofanywa na Serikali ya Chama cha mapinduzi CCM  Bwana:Shagama Pia amemshukuru sana  Mbunge Deo Ngalawa kwa kukubali ombi la kuwa mgeni rasmi katika taasisi za kidini na kuongeza kuwa yeye kama Mwenyekiti Wa CCM wa kata na kijiji amefarijika sana kuona wananchi wake ambao wanajishughulisha katika   maendeleo ya Ujenzi wa makanisa kuwaunga mkono.

     *HABARI NA MATUKIO YA PICHA NA VASCO MGIMBA*